"Global o‘zgarishlar sharoitida ilm-fan va innovatsion rivojlanish" ilmiy konferensiyasi haqida
“Ilm-fan va ilmiy faoliyat to‘g‘risida” O‘zbekiston Respublikasi Qonuni, O‘zbekiston Respublikasi Prezidentining ilm-fan va ta’lim sohasini rivojlantirishga qaratilgan tegishli qarorlarida ko‘zda tutilgan vazifalar ijrosini ta’minlash, talabalar, magistrantlar, doktarantlar va yosh olimlarning ilmiy tadqiqot natijalarini keng yoritish maqsadida “Science Hub Review” ilmiy-uslubiy jurnali tahririyati (O'zbekiston Respublikasi Raqamli texnologiyalar vazirligi huzuridagi Axborotlashtirish va telekommunikasiyalar sohasida nazorat inspeksiyasining 1805161-sonli Guvohnomasi, ISSN 3093-9526, www.sciencehubreview.uz veb-sayti) tomonidan “Global o‘zgarishlar sharoitida ilm-fan va innovatsion rivojlanish” mavzusidagi respublika ilmiy konferensiyasi o‘tkaziladi.
Konferensiya materiallari tahrir qilinib, alohida to‘plam sifatida elektron shaklda nashr etiladi va konferensiya veb-sayti hamda ilmiy bazalarda har bir maqola alohida joylashtiriladi.
Konferensiya ma'lumotlari
Konferensiyaning asosiy yo'nalishlari
Global fikr va barqaror istiqbol
Chegarasiz imkoniyatlar, global jarayonlar, barqarorlik, zamonaviy strategiyalar va xalqaro munosabatlar tahlili.
Tabiiy va fundamental fanlar
Fizika, kimyo, biologiya, matematika va boshqa tabiiy fan sohalaridagi fundamental va amaliy tadqiqotlar.
Innovatsion rivojlanish va axborot texnologiyalari
Informatika, sun'iy intellekt, axborot texnologiyalari, dasturiy yechimlar va raqamli ekotizim transformatsiyasi.
Ijtimoiy-gumanitar fanlar
Pedagogika, psixologiya, filologiya, tarix, falsafa va jamiyat taraqqiyotining dolzarb masalalari.
Tibbiyot va sog'liqni saqlash
Klinik tibbiyot, farmatsevtika, biotexnologiyalar, jamoat salomatligi va zamonaviy diagnostika usullari.
Iqtisodiyot va yashil taraqqiyot
Yashil iqtisodiyot, energetika, barqaror rivojlanish, biznes boshqaruvi va resurslardan oqilona foydalanish.
Taqriz jarayoni
Barcha maqolalar ikki tomonlama taqrizdan (double-blind peer review) o'tkaziladi
1. Maqola yuborilishi
Muallif maqolani online tizim yoki Telegram orqali yuboradi. Tahririyat maqolaning texnik talablarga muvofiqligini tekshiradi (1-3 kun).
2. Dastlabki baholash
Tahririyat maqolaning konferensiyaning maqsad va yo'nalishlariga muvofiqligini baholaydi. Mos kelgan maqolalar taqrizga yo'naltiriladi (3-5 kun).
3. Ikki tomonlama yashirin taqriz
Maqola kamida 2 nafar mustaqil taqrizchiga yuboriladi. Taqrizchilar maqolaning ilmiy sifati, originallligi va ahamiyatini baholaydi.
4. Qaror qabul qilish
Taqriz natijalariga asosan qaror qabul qilinadi: qabul qilish, tuzatish talab qilish yoki rad etish. Muallifga natijalar xabar qilinadi.
5. Nashr etish
Qabul qilingan maqolalar tahrir, sahifalash va DOI tayinlash jarayonlaridan o'tadi. Maqola to'plamda nashr etiladi.
Etik tamoyillar va siyosat
Plagiatga qarshi siyosat
Barcha maqolalar plagiat tekshiruvidan o'tkaziladi. Plagiat darajasi 20% dan oshmasligi kerak.
Ochiq kirish siyosati
Konferensiya ochiq kirish (Open Access) tamoyiliga amal qiladi. Barcha maqolalar CC BY 4.0 litsenziyasi ostida nashr etiladi.
Mualliflik huquqi
Mualliflar o'z ishlarining mualliflik huquqini saqlab qoladi. Konferensiya materiallarni tarqatish huquqiga ega bo'ladi.
AI siyosati
Sun'iy intellekt vositalaridan foydalanish oshkoralik bilan qabul qilinadi. Mualliflar AI dan foydalanish haqida ma'lumot berishlari shart.
Maqola yuborish qo'llanmasi
Umumiy talablar
• Maqola hajmi: 3-10 sahifa (oraliq 1.5, Times New Roman, 14 pt)
• Til: O'zbek, Rus yoki Ingliz tillarida
• Annotatsiya: 150-300 so'z (3 tilda taqdim etilishi kerak)
• Kalit so'zlar: 5-8 ta
• Adabiyotlar: kamida 10 ta manba
• DOI raqami: Imkon qadar barcha manbalarga DOI qo'shilishi kerak
• ORCID: Barcha mualliflarning ORCID identifikatori tavsiya etiladi
Maxfiylik bayonoti
Saytda kiritilgan ismlar va elektron pochta manzillari faqat konferensiyaning belgilangan maqsadlarida foydalaniladi va boshqa maqsadlar yoki uchinchi shaxslarga taqdim etilmaydi.
Arxivlash va saqlash siyosati
Uzoq muddatli saqlash
Barcha nashr etilgan materiallar xalqaro ilmiy repozitoriy va arxivlash tizimlarida saqlanadi. Bu materiallarning uzoq muddatli mavjudligini ta'minlaydi.